Francesco
Tonucci (Fano, 1941), é un pedagogo italiano que iniciou este proxecto, a
cidade dos menos, na súa cidade natal. Trátase de realizar un estudo do
pensamento e do comportamento infantil dentro do ambiente urbano, o que lle
levou a estender o mesmo a outras cidades, O resultado destas investigacións
preséntase en varios libros, sendo o primeiro A cidade dos menos.
Este libro
marca uns pequenos obxectivos para comezar un cambio no plan de cada cidade:
ü Dar a palabra á
infancia, mediante a creación dun Consello de Nenos en cada cidade, que sexan
escoitados e tidos en conta nas administracións.
ü Que os nenos poidan
saír sós da casa, como obxectivo principal. Que poidan percorrer as rúas sós,
vivir experiencias propias, para o que é fundamental renegociar a relación de
poder entre o coche e a cidade.
ü Repensar a cidade para
facela axeitada e máis amable para a infancia. Habería que pensar nos nenos,
nos edificios públicos, nos hoteis e nos restaurantes, onde os nenos son
obrigados a estar quietos e portarse ben esperando a que os adultos rematen;
analizar a maneira de mellorar os parques infantís, deseñados de costas á
diversión e a experiencia do neno, sempre na procura desa falsa sensación de seguridade;
en definitiva, que as opinións dos nenos sexan tidas en conta para o plan
urbanístico da cidade.
No enlace do proxecto A cidade
dos nenos podedes atopar máis información. Hai varias cidades españolas
adheridas ao proxecto, entre as que está Pontevedra.
http://www.lacittadeibambini.org/spagnolo/interna.htm
Ningún comentario:
Publicar un comentario